“Informatika va energetika muammolari” O‘zbekiston jurnalidagi maqolalar quyidagicha amalga oshiriladi:

Tahririyat maqolani elektron tizim orqali olgach, andozaga mosligi va antiplagiat bo‘yicha texnik tekshiruvdan o‘tkazadi. Zarur hollarda maqola rasmiy xatolarni tuzatish uchun muallifga qaytariladi.

Ko‘rib chiqish uchun qabul qilingan maqola ikkita mustaqil taqrizchiga yuboriladi. Taqrizchilarni tanlash quyidagi mezonlar bo‘yicha amalga oshiriladi:

-          maqola profili bo‘yicha yetarli darajadagi kompetentlikka egaligi;

-          manfaatlar to‘qnashuvining mavjud emasligi;

-          ekspertiza muddatlariga rioya qilish bo‘yicha ishonchliligi.

Taqriz asosida tahririyat quyidagicha qaror qabul qiladi:

-          ilmiy jihatdan nomaqbulligi sababli chop etishni rad etish;

-          maqola maqbul, ammo jiddiy qayta ishlashni talab qiladi;

-          maqola to‘liq tayyor, nashrga taqdim etish mumkin.

Maqolaning tuzatilgan varianti bilan ishlash jarayonida Tahririyat mualliflarning javoblarini tekshiradi, zarur hollarda maqolani qayta ko‘rib chiqish uchun uchinchi taqrizchiga yuboradi.

Tahririyat yakuniy qaror qabul qilishda yakuniy qarorni tasdiqlaydi va maqola qabul qilingan sanani qayd etadi.

Hozirgi kunda jurnal Tahririyatining asosiy maqsadi chop etilayotgan maqolalarning ilmiy saviyasi va sifati jihatdan Web of Science, Scopus bazalarida indeksatsiyalanadigan ilmiy nashrlarga qo‘yiladigan talablarga javob berishini ta’minlashga qaratilgan.