“Applied Solar Energy / Geliotexnika” xalqaro ilmiy jurnalining ta’sischisi O‘zbekiston Respublikasi Fanlar akademiyasi hisoblanadi. Jurnal 1965-yildan buyon nashr etilib, Jurnalning ingliz tilidagi talqini – “Applied Solar Energy” (ISSN 1934-9424) https://link.springer.com/journal/11949.

"Geliotexnika" jurnali quyosh energetikasi (QE) va boshqa qayta tiklanadigan energiya manbalari (QTEM) yo‘nalishida MDHning taniqli bo‘lgan ilmiy jurnallarilardan biridir.

Jurnalning asosiy maqsadi, QE turli yo‘nalishlari va QTEM keng miqyosdagi muammolariga bag‘ishlangan ustuvor yo‘nalishdagi katta ilmiy tadqiqotlar bo‘yicha olingan eng so‘nggi ilmiy tadqiqotlar natijalari va yangiliklarni chop etishga mo‘ljallangan.

Chop etiladigan til. Rus va ingliz tillarida.

Jurnalning maqsadi va vazifalari. Keng miqyosli ilmiy hodimlar, mutaxassislar, ilmiy izlanuvchilar, magistr va doktorantlar, shuningdek, aniq va tabiiy fanlar sohasidagi olimlarni quyosh energiyasi va boshqa QTEM sohasidagi so‘nggi ishlanmalar, yutuqlar va yangiliklarga oid ma'lumotlar bilan tanishtirish.

Jurnalning ilmiy yo‘nalishlari. Jurnal quyosh energiyasidan foydalanish bo‘yicha tadqiqot va ishlanmalarning barcha asosiy yo‘nalishlarini qamrab oladi: Quyosh energiyasini elektr energiyasiga to‘g‘ridan-to‘g‘ri aylantirish; Quyosh qurilmalari va ularni qo‘llash; Quyosh energiyasining jamlovchi qurilmalari; Quyosh elektr stantsiyalari; Geliotexnik materialshunoslik; Quyosh issiqlik bilan ta'minlash, to‘plash; Qayta tiklanadigan energiya manbalari; Geliotexnika iqtisodiyoti va ekologiyasi; Geliotexnika yangiliklari (yilnomalar);

Jurnalning maxsus sonlari alohida ilmiy va texnik muammolariga bag'ishlangan maxsus masalalar va sharhlar, shuningdek, xalqaro kongresslar, simpoziumlar va konferentsiyalar materiallari asosida tanlangan ilmiy maqolalar tarkibida ham chop etiladi.

Axatov Jasurjon Saidovich

Tug’ilgan vaqti: 24-dekabr 1979-yil

Tug’ilgan joyi: Buxoro viloyati

Yo’nalishi: Texnika 2017-yildan “Quyosh issiqlik va energetik qurilmalar” laboratoriyasi mudiri.

Axatov Jasurjon Saidovich 1979-yilda Buxoro viloyati G‘ijduvon tumanida tug‘ilgan. U O‘zbekiston Respublikasi Fanlar Akademiyasi Fizika-texnika instituti huzuridagi ixtisoslashgan Ilmiy kengashda 05.05.06 – “Qayta tiklanadigan energiya turlari asosidagi energiya qurilmalari” ixtisosligi bo‘yicha 2007-yilda nomzodlik, 2021-yilda esa doktorlik (DSc) dissertatsiyalarini himoya qilgan.

J.S. Axatovning asosiy ilmiy tadqiqot yo‘nalishlari quyosh energiyasini issiqlikka aylantirish va undan issiq suv ta’minoti tizimlarida foydalanish, sho‘r suvlarni chuchitish va toza ichimlik suvi ta’minoti tizimlarini rivojlantirish, qishloq xo‘jaligi mahsulotlarini qayta ishlash va saqlashda quyosh issiqlik texnologiyalarini qo‘llash, fazaviy o‘zgaruvchan materiallar (PCM) asosidagi issiqlik akkumulyatorlaridan foydalangan holda quyosh issiqlik qurilmalarining samaradorligini oshirish, nanosuyuqliklar asosidagi issiqlik tashuvchilar yordamida issiqlik uzatish jarayonlarini takomillashtirish, shuningdek, mujassamlangan quyosh energiyasi asosida termokimyoviy sikllar orqali vodorod olish texnologiyalarini tadqiq etishga qaratilgan.

J.S. Axatov Xalqaro Quyosh Energiyasi Uyushmasi (ISES – International Solar Energy Society) a’zosi hisoblanadi. U “Renewable Energy”, “Sustainable Energy Technologies and Assessments” kabi nufuzli xalqaro ilmiy jurnallarning muharrirlaridan biri, Turkiyaning DÜTED (Düzce University Journal of Technical Sciences) hamda Ozarbayjonning UNEC JEAS (UNEC Journal of Engineering and Applied Sciences) ilmiy jurnallari tahririyat a’zosi hisoblanadi.

J.S. Axatov bir qator xalqaro va respublika grantlari va tanlovlarining g‘olibi hisoblanadi, jumladan: O‘zR FA Yosh olimlar tanlovi; O‘zbekiston Respublikasi Prezidenti “Iste’dod” jamg‘armasi tanlovi; TWAS xalqaro granti; INTAS fondi tanlovi; KOICA; Erasmus; UNESCO; DAAD; ADB; AQShning IVLP dasturi; IncoNet CA dasturi; XXRning PIFI dasturi; Singapurning SCP dasturi grantlari sohibi bo‘lgan. Ushbu grantlar doirasida Xitoy, Buyuk Britaniya, Janubiy Koreya, Ispaniya, Italiya, Isroil, Germaniya, Avstriya, Fransiya, AQSh va Singapur davlatlari olimlari bilan hamkorlikda ilmiy tadqiqotlar olib bormoqda.

J.S. Axatov O‘zbekiston Respublikasi Fanlar Akademiyasi Fizika-texnika instituti huzuridagi ilmiy darajalar beruvchi DSc.05/2025.28.11.FM/T.01.01 raqamli hamda Qarshi davlat texnika universiteti huzuridagi PhD.03/30.09.2020.T.111.03 raqamli Ilmiy Kengashlar a’zosi.

J.S. Axatov rahbarligida 1 nafar fan doktori (DSc), 2 nafar falsafa doktori (PhD) hamda 6 nafar magistrlik dissertatsiyalari muvaffaqiyatli himoya qilingan. Hozirda 2 nafar fan doktori (DSc) va 4 nafar falsafa doktori (PhD) dissertatsiyalari ustida ilmiy rahbarlik olib bormoqda. J.S. Axatov iste’dodli olim, uning muallifligi va hammuallifligida 100 dan ortiq ilmiy maqolalar chop etilgan, 10 dan ortiq foydali model va sanoat namunalariga patentlar, 20 dan ortiq hisoblash dasturlari uchun guvohnomalar olingan.